काठमाडौं– संयुक्त राष्ट्र सङ्घको आह्वानमा शान्ति स्थापनार्थ दक्षिण सुडानमा खटिएका नेपाली शान्ति सैनिकको अदलीबदली भएको छ।
श्री नयाँ गोरख गण १५औँ डफ्फालाई बदली गर्न श्री नारायणदल गण १६औँ डफ्फाका २०३ शान्ति सैनिक आज दक्षिण सुडानतर्फ प्रस्थान गरेका छन्।
त्यसैगरी, उक्त मिसनमा आफ्नो कार्यकाल पूरा गरेका २०३ नेपाली शान्ति सैनिक आजै स्वदेश फर्किएका छन्। सैनिक जनसम्पर्क तथा सूचना निर्देशनालयका अनुसार उनीहरू आफ्नो कार्यकाल पूरा गरी नेपाल फर्किएका हुन्।
हाल दक्षिण सुडानस्थित संयुक्त राष्ट्र सङ्घीय शान्ति मिसनमा नेपाली सेनाका एक हजार ६९ शान्ति सैनिक कार्यरत छन्।
प्रतिक्रिया