काठमाडौं– प्रधानमन्त्री केपी शर्मा ओलीले बागमती प्रदेशमा विकसित पछिल्लो राजनीतिक घटनाक्रमबारे नेपाली कांग्रेससँग चासो प्रकट गरेको छ । 

बालुवाटारमा बिहीबार भएको छलफलका क्रममा प्रधानमन्त्री ओलीले कांग्रेस सभापति शेरबहादुर देउवासँग बागमती प्रदेश सरकारबारे चाँसो प्रकट गरेका हुन् । 

बैठकमा सहभागी कांग्रेसका उपसभापति पूर्णबहादुर खड्काले बागमती प्रदेश सरकारबारे सामान्य समीक्षा भएको प्रतिक्रिया दिए । ‘बागमती प्रदेश सरकारबारे सामान्य समीक्षा भयो,’ उनले भने । 

बैठकमा सभापति देउवाले आन्तरिक कुरो भएकाले बागमती प्रदेश सरकारमा देखिएको पछिल्लो घटनाक्रम छिट्टै मिलाउने आशवासन प्रधानमन्त्री ओलीलाई दिए ।  

‘बागमतीको विषय कांग्रेसको हो, कांग्रेसले नै मिलाउँछ,’ उपसभापति खड्काले भने, ‘एमालेले सहयोग गरिरहेकै छ । हामी चाँडै हल गर्छौं भन्यौँ ।’