काठमाडौं – स्वतन्त्र उर्जा उत्पादक संघ इप्पानका अध्यक्ष गणेश कार्कीले निजी क्षेत्रका आयोजना समयमा नसकिने अवस्था रहेको बताएका छन् ।

शनिबार नेपाल आर्थिक पत्रकार संघ (नाफिज) ले आयोजना गरेको पोस्ट बजेट छलफल कार्यक्रममा उनले आइपिओ जारी गर्न नपाउँदा पुँजी अभाव भएकाले सरकारले ध्यान दिनुपर्ने बताएका हुन् ।

‘ऊर्जा क्षेत्र अघि नबढ्ने हो कि भन्ने शङ्का छ । उत्पादनपछि मात्रै आईपीओ जारी गर्न पाउने नियमले समस्या हुने दखिएको छ । ६१ खर्ब आवश्यक पर्ने भनिएको छ । अहिले ३६५ वटा आयोजना लाइसेन्स लिएर बसेको अवस्था छ । ’ उनले भने ।

५६०० मेगावाट आयोजना लाइसेन्स लिएर बसेको र १७ हजार भन्दा बढी मेगावाट क्षमताका आयोजना रन अफ रिभरमा रहेको उनले बताए ।

‘चाहेको अवस्थामा मात्रै विद्युत् किन्ने नियमले उत्पादन हुने विद्युत खपत नहुन सक्छ । खनाल आयोगको सुझावले पनि केही समस्या रहेको छ ।’ उनले भने ।