काठमाडौं – हिन्दु धर्म र राजा फर्काउने अभियान चलाइरहेका विवादित व्यक्ति दुर्गा प्रसाईंले आफू नेपालमै बसेर आन्दोलनको भावी रणनीति तयार गरिरहेको बताएका छन् ।

सोमबार साँझ सामाजिक सञ्जालमार्फत प्रसाईंले आफू सिंह भएको बताउँदै अब छिट्टै भ्रष्टाचारीको मलामी लिएर फर्कने चेतावनी समेत दिएका छन् ।

उनले लेखेका छन्, ‘शिकार गर्नु भन्दा पहिला सिंह पनि एक कदम पछि हटछ,अनि पुनःआक्रमण गर्छ! दुर्गा प्रसाई सिंह नै हो,अब छिट्टै तिमीहरु को मलामि लिएर आउदैछ,भ्रष्टाचारि हो । मैले त लुक्ने ठाउँ भेटेको छु नेपाल मै छु,भाबी रणनीति तयार गर्दैछु,तर तिमीहरू ले त्यो पनि पाउदैनौ, बुझिराख ! जय रास्टवाद !!’

गत शुक्रबार तीनकुनेमा भएको हिसांत्मक प्रदर्शनको नेतृत्व गरेका प्रसाईलाई पक्राउ गर्न प्रहरीले खोजी गरिरहेको छ ।