वीरगन्ज– सीजी मोटर्सले मधेश प्रदेशलाई केन्द्रित गर्दै वीरगन्जमा अत्याधुनिक ब्रान्डको विविध गाडीहरु लञ्च गरेको छ। कम्पनीले यस क्षेत्रमा मिनोल्टा इन्भेस्टमेन्ट प्रालिलाई आधिकारिक च्यानल पार्टनरको रूपमा नियुक्त गरेको छ ।

उद्घाटन कार्यक्रममा वीरगन्ज महानगरपालिकाका मेयर राजेश मान सिंह, मिनोल्टा इन्भेस्टमेन्टका कार्यकारी निर्देशक राजेश अग्रवाल, सीजी मोटर्सका सीईओ/डाइरेक्टर हेमन्त अग्रवाललगायतको उपस्थिति थियो ।

यो पहलले वीरगन्जमा ईभी ब्रान्डहरू जस्तै एभाटर, एक्सपेंग, नेटा, आयोन भी, आयोन वाई र रिडारा ल्याएको छ ।

यस्ता छन्  विशेषताहरू  :

●     एक्सपेङ जी६: पाँचतारे एनसीएपी सुरक्षा रेटिङ, स्वचालित ड्राइभिङ प्रविधि, १९० किलोवाट मोटर, ४४० एनएम टर्क र ४३५ किलोमिटर रेन्ज।

●     आयोन वाई: १०० किलोवाट मोटर, २२५ एनएम टर्क र ६१.४ केडब्ल्युएच लिथियम आइरन म्यागजिन ब्याट्रीसहित ५००+ किलोमिटर एनईडीसी रेन्ज ।

●     आयोन भी : एलीट र लक्जरी भेरियन्टमा उपलब्ध, क्रमशः ५२० किलोमिटर र ६५० किलोमिटरको उत्कृष्ट रेन्ज। लक्जरी भेरियन्टमा चालक र अगाडिको यात्रुको लागि आठ-पोइन्ट मसाज सिट र इन-बिल्ट फ्रिज उपलब्ध छ।

●     एभाटर ११: चांगान, हुवावे र सीएटीएलको सहकार्यमा विकसित यो प्रिमियम ईभी १९० किलोवाट मोटर, स्न्यापड्रागन ८१५५ प्रोसेसर, २१-इन्च अलोय पाङ्ग्रा, सफ्ट-क्लोज ढोका, पाँच-तरिकाको मसाज, १२-तरिकामा समायोग्य सिट र डुअल ब्लुटुथ कनेक्टिभिटीसहित तीन वटा उच्च-प्रविधिको स्क्रिनले सुसज्जित छ।

●     रिडारा आरडी६: अफ-रोड र सम्पूर्ण भू-भागका लागि  डिजाइन गरिएको यो मोडलमा २२५ मिमी ग्राउन्ड क्लियरेन्स, ३७७ किलोमिटर रेन्ज, ३८४ एनएम टर्क, भी२एल क्षमता, अटोम्याटिक द्वि-जोन एयर कन्डिसनिङ र छ-तरिकामा समायोज्य सिट सुविधा समावेश छन्।

●     नेटा एक्स: १८५ मिमी ग्राउन्ड क्लियरेन्स, ५०० किलोमिटर रेन्ज, भी२एल सुविधा, १५.६ इन्च टचस्क्रिन र छ वटा एयरब्यागसहितको मोडल। यसमा २७७० मिमी ह्वीलबेसले उत्कृष्ट आराम प्रदान गर्दछ भने वायरलेस फोन चार्जिङ, पावर टेलगेट र एडीएएस जस्ता स्मार्ट सुविधाहरू थपिएको छ।

साथै सीजी मोटर्सले सीजि केर्यस सर्भिस एप पनि प्रस्तुत गरेको छ ।  जसले +९७७ ९७०७०९४२०७ हटलाइनमार्फत २४/७ सडक सहायताको सेवा दिन्छ ।