काठमाडौं- हिउँदे अधिवेशनको पहिलो दिन उपस्थित भएर पनि प्रमुख प्रतिपक्षी नेकपा माओवादी केन्द्रका अध्यक्ष पुष्पकमल दाहालले बोलेनन् ।

सबै दलका नेताहरूले बोल्ने कार्यसूची भए पनि माओवादी संसदीय दलका नेता प्रचण्ड आफूले नबोली प्रमुख सचेतक हितराज पाण्डेलाई सम्बोधन गर्न लगाए ।

प्रचण्डले सदनलाई सम्बोधन नगरेर प्रमुख सचेतक पाण्डेले सम्बोधन गर्दै सरकारले अध्यादेशमार्फत् गलत बाटोको यात्रा थालेको बताए ।

नेपाली कांग्रेसका सभापति शेरबहादुर देउवाले संसद्मा सम्बोधन गरे । उता सरकारबाट प्रधानमन्त्री केपी शर्मा ओलीले सम्बोधन गर्दा एमालेको तर्फबाट सचिव योगेशकुमार भट्टराईले भनाइ राखे ।

अर्कातिर प्रतिपक्षी दल राष्ट्रिय स्वतन्त्र पार्टीका उपसभापति डा. स्वर्णिम वाग्लेले सम्बोधन गरे । पुस ८ गतेदेखि निलम्बनमा परेकाले रास्वपा सभापति रवि लामिछाने बैठकमा उपस्थित छैनन् ।