काठमाडौं– नेकपा एमाले महाधिवेशनमा इलामबाट तीन चर्चित युवा नेताहरू  प्रतिनिधि सर्वसम्मत चयन भएका छन् । 

एमालेका पूर्वसांसद सुहाङ नेम्वाङ, युवा संघका नेता निरोज पौडेल र स्थानीय नेता रवीन्द्र सुवेदी सर्वसम्मत चयन भएका हुन् ।

दुई प्रतिनिधिसभा निर्वाचन क्षेत्र रहेको इलामबाट खुला, आरक्षित कोटा गरी २० जना प्रतिनिधि चयन भएका छन् । इलाम–१ बाट युवातर्फ पौडेल चयन भएका छन् ।

महिलातर्फ उमादेवी सुनुवार, शकुन्तला लेप्चा र सावित्रा शिवा निर्विरोध भएका छन् । खुला तर्फ उदयबहादुर राई, उमेश गुरुङ, काजीमान कागते, खम्बसिंह लिम्बु र दीपककुमार थेबे चयन भएका छन् ।

इलाम–२ बाट युवातर्फ रामप्रसाद सुवेदी (रवीन्द्र) चयन भएका छन् । महिलातर्फ टीकादेवी घिमिरे, दिलकुमारी लिम्बू र पबिमाया राई चयन भएका छन् ।

विघटित प्रतिनिधि सभाका सांसद सुहाङ खुला तर्फबाट प्रतिनिधि चयन भएका छन् । सुहाङसहित केशवकुमार धौराली, गणेशप्रसाद बराल, दिपेन्द्र खनाल, महेश बस्नेत र हेमन्त राई सर्वसम्मत प्रतिनिधि चयन भएका छन् । दलित कोटाबाट देवेन्द्र विश्वकर्मा पनि निर्विरोध चयन भए ।

इलाममा २० जना महाधिवेशन प्रतिनिधि चुनिँदा छ जना  वरिष्ठ उपाध्यक्ष ईश्वर पोख्रेल पक्षीय नेताहरू परेका छन् ।