बेइजिङ– चीनले जी–७ राष्ट्रहरूलाई एउटा समूहको स्वनिर्मित नियमको प्रयोग गरी अन्तर्राष्ट्रिय व्यापार व्यवस्थालाई अवरुद्ध नगर्न आग्रह गरेको छ। 

चिनियाँ विदेश मन्त्रालयका प्रवक्ता गुओ जियाकुनले पत्रकारसँगको नियमित भेटघाटका क्रममा बिहीबार भने, ‘जी–७ राष्ट्रहरूले बजारमा चीनको प्रभुत्वको सामना गर्न महत्वपूर्ण खनिज उत्पादन गठबन्धनको घोषणा गर्ने रिपोर्टबारे प्रतिक्रिया दिँदै स्वनिर्मित नियमको प्रयोग गरी अन्तर्राष्ट्रिय व्यापार व्यवस्थालाई अवरुद्ध नगर्न आग्रह गरेका हुन् । 

प्रवक्ता गुओले भने, ‘चीनले निर्यात नियन्त्रण प्रणालीलाई मानकीकृत र सुधार गर्न कदम चालेको छ। यो अन्तर्राष्ट्रिय अभ्यास अनुरूप छ र यसको उद्देश्य विश्व शान्ति र क्षेत्रीय स्थिरता कायम गर्नु र परमाणु अप्रसार र अन्य अन्तर्राष्ट्रिय दायित्व पूरा गर्नु हो।’

उनले भने, ‘हामी जी–७ लाई बजार अर्थतन्त्रका सिद्धान्त र अन्तर्राष्ट्रिय व्यापार नियमको इमान्दारीपूर्वक पालना गर्न, समूहको स्वनिर्मित नियमले अन्तर्राष्ट्रिय व्यापार व्यवस्थालाई बिगार्न बन्द गर्न र स्थिर विश्व अर्थतन्त्रका लागि संयुक्त रूपमा काम गर्न आग्रह गर्दछौँ।’