काठमाडौं– नागरिक उन्मुक्ति पार्टीका अध्यक्ष रञ्जिता श्रेष्ठले नागरिक उन्मुक्ति पार्टी नेपालका प्रस्तावित अध्यक्ष  कबीर सोपलाई बधाई दिएकी छन् ।

निर्वाचन आयोग पुगेर दल दर्ताको निवेदन दिएपछि सामाजिक सञ्जालमा रञ्जिताले सोपलाई बधाई दिएकी हुन् ।

उनले शोपलाई भान्जा भनेर समेत सम्बोधन गरेकी छन्। 

रञ्जिताले फेसबुकमा लेखेकी छन्, ‘नागरिक उन्मुक्ति नेपालको अध्यक्ष भएकोमा भान्जा कवीरलाई धेरै धेरै शुभकामना।’

नागरिक पार्टीका संरक्षक रेशमलाल चौधरी र अध्यक्ष रञ्जिता श्रेष्ठबीच लामो विवाद भएपछि आज चौधरी पक्षले नयाँ दल दर्ताका लागि निवेदन दिएको हो।

चौधरी पक्षले खोलेको नयाँ दलमा जनमत पार्टीका उपाध्यक्ष अब्दुल खानदेखि अन्य नेता पनि जोडिएका छन्। 

२८ वर्षीय सोप रेशम चौधरीका भान्जा हुन् भन्ने हल्ला छ । तर यसका आधिकारिक पुष्टि भएको छैन। ४५ सदस्यीय केन्द्रीय कार्यसमितिसहित दल दर्ताको निवेदन दिएको हो।