काठमाडौं- नेपालले र वेस्ट इन्डिजबीचको युनिटी कप टी २० सिरिज अन्तर्गत तेस्रो तथा अन्तिम खेल खेलिरहेको छ । संयुक्त अरब इमिरेट्स यूएईको शारजाहमा जारी खेलमा नेपालले पहिले ब्याटिङ गरिरहेको छ । वेस्ट इन्डिजका कप्तान अकिल होसेनले फिल्डिङ रोजेपछि नेपाल ब्याटिङमा उत्रिएको हो ।

आजको खेलमा नेपाली टोलीमा तीन परिवर्तन भएका छन् । दोस्रो खेल खेलेका दीपेन्द्रसिंह ऐरी, आसिफ शेख र ललित राजवंशीलाई आज बेन्चमा राखिएको छ । उनीहरुको स्थानमा लोकेश बम, शाहव आलम र आरिफ शेख टोलीमा परेका छन् ।

नेपाली टोलीमा रोहित कुमार पौडेल कप्तान, लोकेश बम, कुशल भुर्तेल, कुशल मल्ल, सन्दीप जोरा, आरिफ सेख, करण केसी, आदिल आलम, शाहव आलम, गुलशन झा र सोमपाल कामी परेका छन् ।

नेपालले एक खेल अगावै सिरिजको उपाधि जितिसकेको छ । दोस्रो खेलमा नेपाल ९० रन र पहिलो खेलमा पनि १९ रनले विजयी भएको थियो ।