काठमाडौं– नेकपा एकीकृत समाजवादीका अध्यक्ष माधवकुमार नेपालले पतञ्जली जग्गा प्रकरणमा आफूबाट कुनै गल्ति नभएको बताएका छन् ।

शनिबार काठमाडौंमा समाजवादी प्रेस संगठनको केन्द्रीय कमिटीको तेश्रो बैठकमा अध्यक्ष नेपालले संविधान कानून अनुसार नै आफूले काम गरेको भन्दै पतञ्जली जग्गा प्रकरणमा आफूबाट कुनै गल्ति नभएको बताएका हुन् ।

हदबन्दीभन्दा बढी जग्गा राख्न दिएर गल्ती भयो भन्ने कुराका कुनै कानूनी आधार नरहेको उनको भनाइ छ । उनले आफूले कानून विपरीतको कुनै काम नगरेकाले डटेर आफूमाथि लगाइएको आरोपको सामना गर्ने स्पष्ट पारे ।

त्यस्तै अध्यक्ष नेपालले नेकपा एकीकृत समाजवादी अर्को पार्टीमा समाहित हुने भन्ने कुरामा कुनै सत्यता नरहेको बताउनुभयो । उहाले समान बिचार भएका पार्टीहरूबीच सहकार्य गर्दै अघि बढ्ने र समाजवादी मोर्चालाई बलियो बनाउने धारणा राखे ।

अध्यक्ष नेपालले कम्युनिष्ट धारहरूलाई एकैठाँउमा ल्याउन पनि सबैबीच सहकार्य आवश्यक रहेकोमा जोड दिए । उनले अहिले विद्रोहको औचित्य पुष्टि हुदै गएको समेत बताए ।