काठमाडौं – चीनमा भारी वर्षापछि ल्हेन्दे खोलामा आएको बाढीले रसुवाका विभिन्न स्थानमा क्षति पुर्याएको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार गोसाइकुण्ड गाउँपालिका २ मा ल्हेन्दे खोलामा आएको बाढीले क्षति गरेको हो । बाढीले टिमुरेस्थित भन्सार यार्डमा रहेको धर्मकाटा बगाएको छ।

‘बिहान अन्दाजी २ बजेको समयमा रसुवा जिल्ला गोसाइकुण्ड गाउँपालिका २ ल्हेन्दे खोलामा चीनतर्फबाट पानीको बहाव बढेर बाढी आएको र उक्त बाढीले टिमुरेस्थित भन्सार यार्डमा रहेको धर्मकाटा बगाएको छ’, प्राधिकरणले सूचना सार्वजनिक गर्दै भनेको छ ।

अहिले पनि बाढीको सतह उच्च नै रहेकोले रसुवा, नुवाकोट र धादिङका भोटेकोशी र त्रिशूली नदी किनार र आसपासका नागरिकलाई सजकता अपनाउन अनुरोध गरिएको छ। खोलामा माछा मार्न जाने, बाढीमा बगेर आएका काठ दाउरा टिप्न जानेजस्ता कार्य नगर्न प्राधिकरणले सबैलाई आग्रहसमेत गरेको छ ।

तिब्बतमा वर्षाले त्रिशूली ठूलो बाढी, तटीय क्षेत्रमा सचेत हुन आग्रह