काठमाडौं– एलजी नेपालले ग्लोबल इनोवेसनको अवधारणा एफेक्सनेट ‘इन्टेलिजेन्स’ लाई दुईदिने कार्यक्रममार्फत सार्वजनिक गरेको छ ।

शुक्रबार डिलरहरूका लागि र शनिबार सर्वसाधारण, मिडिया तथा इन्फ्लुएन्सरका लागि आयोजना गरिएको यस कार्यक्रममा एलजीको भविष्यमुखी प्रविधिको अनुभव गराइइएको कम्पनीले जनाएको छ ।

कम्पनीका अनुसार एफेक्सनेट इन्टेलिजेन्स एलजीको आर्टीफिसिए इन्टेलिजेन्सप्रति राखिएको विशेष दृष्टिकोण हो, जहाँ एआई केवल बुद्धिमान नभई संवेदनशील र उत्तरदायी रहेको छ, जसले प्रविधि र मानवबीचको सम्बन्धलाई अझ घनिष्ठ बनाउँछ ।

यस अवसरमा एलजीले आगामी पुस्ताका एआई प्रविधिद्वारा सञ्चालित समाधानहरू प्रस्तुत गर्‍यो, जुन नवप्रवर्तनमा आफ्नो प्रतिबद्धता र उद्देश्यप्रति समर्पणको प्रमाण थियो ।

 कार्यक्रममा चौधरी ग्रुपका अध्यक्ष विनोद चौधरीले नेपालमा एलजीको सुरुवाती यात्रा र डिलर तथा साझेदारहरूको निरन्तर समर्थनप्रति आभार व्यक्त गरे ।

कार्यक्रममा निम्न  म्यानेजिङ डाइरेक्टर, एलजी इलेक्ट्रोनिक्स सिंगापुरका फावियन कुन्हो ली,  म्यानेजिङ डाइरेक्टर, एलजी इलेक्ट्रोनिक्स बंगलादेशका जेराल्ड सुन्घो चुन  म्यानेजिङ डाइरेक्टर, चौधरी ग्रुपका निर्वाण चौधरीलगायतको उपस्थिति रहेको थियो ।