काठमाडौं– नेपाली कांग्रेसका महामन्त्री गगनकुमार थापाले भ्रातृ संगठन नेपाल तरूण दलको महाधिवेशन आगामी मंसिर मसान्तमा गर्नुपर्ने प्रस्ताव गरेका छन् । 

केन्द्रीय कार्यालय सानेपामा सोमबारबाट सुरु भएको केन्द्रीय कार्यसमिति बैठकमा उनले तरूण दलको महाधिवेशन मंसिर मसान्तका लागि प्रस्ताव गरेका हुन् । 

बैठकमा सहभागी एक केन्द्रीय सदस्यले महामन्त्री थापाले आगामी मंसिर २६–२८ मा तरूण दलको महाधिवेशन गर्ने प्रस्ताव गरेको जानकारी दिए । 

तरूण दलका दुईजना केन्द्रीय सदस्यहरू आइतबारदेखि महाधिवेशनको माग राख्दै सानेपामा आमरण अनशनमा बसेका छन् । 

यस्तै नेपाल विद्यार्थी संघ (नेविसंघ)को असन्तुष्ट पक्षले सोमबार महाधिवेशनको माग गर्दै सानेपामा प्रदर्शन गरेको थियो । 

ती सदस्यका अनुसार महामन्त्री थापाले आगामी माघ मसान्तभित्र महाधिवेशन गर्न बाँकी रहेका पार्टीका सबै भ्रातृ संगठनहरूले अनिवार्य महाधिवेशन गरेर नयाँ नेतृत्व चयन गरिसक्नुपर्ने प्रस्ताव गरेका छन् ।