काठमाडौं – इन्डियन प्रिमियर लिग (आईपीएल)२०२५ को इलिमिनेटरमा मुम्बई इन्डियन्सले गुजरात टाइटन्सलाई २२९ रनको लक्ष्य दिएको छ ।

महाराजा यादवविन्द्र सिंह अन्तर्राष्ट्रिय क्रिकेट रंगशालामा टस जितेर पहिला ब्याटिङ गरेको मुम्बईले निर्धारित २० ओभरमा ५ विकेट गुमाउँदै २२८ रन बनाएको हो ।

मुम्बईका लागि रोहित शर्माले ८० रनको पारी खेले । ५० बलको सामना गरेका रोहितले ९ चौका र ४ छक्का प्रहार गरे । यस्तै जोनी बेयरस्टोले ४७, सुर्य कुमार यादवले ३३, तिलक बर्माले २५ रन बनाए । हार्दिक पाण्डेयले ९ बलमा २२ रन बनाए ।

गुजरातका साई किशोर र प्रसिद्ध कृष्णले दुई दुई विकेट लिए । किशोरले चार ओभरमा ३७ रन दिए भने कृष्णले चार ओभरमा ५३ रन खर्चिए ।

आजको खेलमा विजयी हुनेले फाइनल प्रवेशका लागि पञ्जाब किंग्ससँग प्रतिस्पर्धा गर्ने छ । बिहीबार भएको पहिलो क्वालिफायरमा पञ्जाब किंग्सलाई हराउँदै रोयल च्यालेन्जर्स बेंलोरु फाइलनमा प्रवेश गसिसकेको छ ।