काठमाडौं- राजा र हिन्दुराज्य माग्दै जेठ १५ बाट अनिश्चितकालीन आन्दोलन थालेका राजावादी दल र समूहले दोस्रो दिन पनि सडकमा प्रदर्शन गरेका छन् ।
पहिलो दिन रत्नपार्क क्षेत्रमा प्रदर्शन गरेका उनीहरूले दोस्रो दिन माइतीघरमण्डलेदेखि नयाँ बानेश्वरसम्म राजा माग्दै प्रदर्शन गरेका हुन् ।
प्रदर्शनमा राष्ट्रिय प्रजातन्त्र पार्टीका अध्यक्ष राजेन्द्र लिङ्देन र राप्रपा नेपालका अध्यक्ष कमल थापासहित जुटेका छन् । राजावादीहरू छाता ओढेर सडकमा निस्किएका छन् । उनीहरूले छातालाई राजमुकुटकै प्रतीक मानेर प्रदर्शन गरेका हुन् ।
राजावादीको प्रदर्शनका कारण काठमाडौंका केही क्षेत्रमा सडक यातायात अवरुद्ध भएको छ ।
प्रतिक्रिया