काठमाडौं – नायक निखिल उप्रेती करिब ७ वर्षपछि ठूलो पर्दामा फर्कने भएका छन् । उनी फिल्म ‘आचार्य’ लिएर यो वर्ष नै दर्शकलाई भेट्ने मनस्थितिमा छन् ।

चलचित्र विकास बोर्डका अनुसार कलाकारमा आफू र सञ्चिता लुइटेल लुइटेलको नाम टिपाएर फिल्म निर्माणको इजाजत लिएका हुन् ।

यही फिल्मबाट मोडल उषा उप्रेतीले पनि डेब्यू गर्ने खबर केही समयअघि बाहिरिएको थियो ।

खबरहबलाई प्राप्त जानकारी अनुसार निखिल अहिले कलाकार चयनको काममा व्यस्त छन् । उनी औपचारिक रुपमा फिल्म र कलाकारबारे जानकारी दिने तयारीमा छन् ।

फिल्ममा अनुबन्ध भएका कलाकारहरुलाई हेर्दा निखिल नयाँ अनुहारलाई अवसर दिने तयारीमा रहेको देखिन्छन् ।

यही बीच केही म्युजिक भिडियोमा अभिनय गरेका एलिस खनाल पनि फिल्ममा अनुबन्ध भएका छन् । एलिस र निर्माण पक्षबीच कागजी सम्झौता पनि भइसकेको छ ।

निखिल उप्रेती प्रोडक्सन प्रालिको ब्यानरमा बन्ने यो फिल्मको निर्देशक निखिल आफैँ हुन् । यो उनको निर्देशन रहने दोस्रो फिल्म हो ।