काठमाडौं– प्रदेश अस्पताल दमौलीमा कार्यरत डा. श्वेता बस्नेमाथि हातपातको प्रयास भएको भन्दै अस्पताल प्रशासनले दोषीमाथि कारबाहीको माग गरेको छ । 

बुधबार अपरान्ह ५ः४० बजे मादक पदार्थ सेवन गरेर आएका ब्यास—१२ का अमर आलेले अस्पतालको प्राणगणमै डा। बस्नेतमाथि हातपातको प्रयास गरेको अस्पतालका कर्मचारीहरूले सामुहिक रूपमा जारी गरेको विज्ञप्तिमा उल्लेख छ । 

दोषीमाथि कानुनअनुसार कारबाहीको मागसमेत गरेका छन् । ‘यस किसिमका घटना नदोहोरियोस् भनी दोषीलाई स्वास्थ्यकर्मी तथा स्वास्थ्य संस्थाको सुरक्षा सम्बन्धी ऐन, २०६६ को दफा ३ को च ‘स्वास्थ्यकर्मी तथा स्वास्थ्य संस्थामा कार्यरत कर्मचारीलाई हातपात गर्ने, कुनै किसिमले धम्की दिने, गालीगलौज गर्न वा अभद्र वा अपमानजनक व्यवहार गर्न’ सम्बन्धित कानुन बमोजिम कारबाहीको माग गर्दछौँ,’ विज्ञप्तिमा छ । 

अस्पतालका कार्यरत चिकित्सक तथा स्वास्थ्यकर्मीहरुले नेपालको दुर्गम भागमा सीमित स्रोत र साधनका बाबजुद चिकित्सकहरू अहोरात्र समर्पित रहेको उल्लेख गर्दै चिकित्सक सुरक्षित नहुनु स्वास्थ्य प्रणालीको औचित्यसँग जोडिएको प्रश्न भएको बताएका छन् । 

उनीहरूले यस्ता घटनाले स्वास्थ्यकर्मीहरूको मनोबल घटाउने मात्रै नभएर स्वास्थ्य सेवाको गुणस्तरदेखि विदेशी रहेका स्वास्थ्यकर्मीले नेपालमै देख्ने भविष्य पनि जोखिममा पर्दै जाने उल्लेख गरेका छन् ।