इलाम– इलामबाट नेकपा एमालेको ११औं महाधिवेशनका लागि प्रतिनिधि सर्वसम्मत रूपमा चयन भएका छन् । दुईवटा प्रतिनिधिसभा क्षेत्र रहेको जिल्लाबाट खुला, आरक्षित र महिला कोटा गरी २० जना प्रतिनिधि छानिएका हुन्।

इलाम–१ बाट युवातर्फ निरोज पौडेल चयन भएका छन्। महिलातर्फ उमादेवी सुनुवार, शकुन्तला लेप्चा र सावित्रा शिवा निर्विरोध बने। खुलातर्फ उदयबहादुर राई, उमेश गुरुङ, काजीमान कागते, खम्बसिंह लिम्बु र दीपककुमार थेबे चयन भए।

इलाम–२ मा युवातर्फ रामप्रसाद सुवेदी (रविन्द्र) चयन भएका छन्। महिलातर्फ टीकादेवी घिमिरे, दिलकुमारी लिम्बु र पबिमाया राई सर्वसम्मत बने।

विघटित प्रतिनिधि सभाका सांसद सुहाङ नेम्वाङ समेत खुलातर्फबाट प्रतिनिधि चयन भएका छन्। नेम्वाङसँगै केशवकुमार धौराली, गणेशप्रसाद बराल, दिपेन्द्र खनाल, महेश बस्नेत र हेमन्त राई पनि सर्वसम्मत चयन भए। दलित कोटाबाट देवेन्द्र विश्वकर्मा निर्विरोध प्रतिनिधि बने।