काठमाडौं– नेकपा एमालेका सचिव गोकर्ण विष्टले पार्टीलाई पुनर्गठन गर्नेगरी प्रतिनिधि चयन गर्न आग्रह गरेका छन् ।

एमालेले आज देशभरबाट महाधिवेशन प्रतिनिधि चयन गरिरहँदा सचिव विष्टले सामाजिक सञ्जालमार्फत पार्टीलाई  थप गति, ऊर्जा, एकताका साथ जनताको विश्वास आर्जन गर्नेगरी बलियो बनाउनु पर्ने उल्लेख गरेका छन् ।

उनले देशमा देखा परेको विषम परिस्थितिलाई सम्बोधन गर्ने गरी समयको माग, आम जनता र कार्यकर्ताको चाहना अनुसार पार्टीलाई पुनर्गठन गरेर अघि बढाउनु पर्नेमा जोड दिएका छन् ।

विष्टले प्रतिनिधि चयनमा जिम्मेवारपूर्ण भूमिका खेल्नेमा आफू विश्वस्त रहेको समेत बताएका छन् ।

एमालेको ११औँ महाधिवेशन यही मंसिर २७ देखि २९ गतेसम्म काठमाडौँमा हुँदैछ ।