काठमाडौं- भारतले पाकिस्तानलाई गैरकानुनी रुपमा हडपेका भूभागमा गम्भीर मानव अधिकार उल्लङ्घनका घटना रोक्न आग्रह गरेको छ । संयुक्त राष्ट्रसंघमा भारतका स्थायी प्रतिनिधि पर्वथेनेनी हरिशले पाकिस्तानलाई मानव अधिकार उल्लङ्घनका घटना रोक्न आग्रह गरेका हुन् ।

‘हामी पाकिस्तानलाई गैरकानुनी रुपमा हडपेका भूभागमा गम्भीर र हाल चलिरहेका मानव अधिकार उल्लङ्घन रोक्न आग्रह गर्दछौँ ।’ उनले भने । उनले ती क्षेत्रमा जनताहरु पाकिस्तानको फौजी कब्जा, दमन, उत्पीडन र स्रोतको गैरकानुनी शोषणविरुद्ध खुला विद्रोहमा उत्रिएको पनि उल्लेख गरे ।

उनले जम्मु र कश्मीर जहिलेपनि भारतको अभिन्न र अखण्ड हिस्सा रहेको भन्दै उनले पाकिस्तानमा मानिसहरुले आधारभूत अधिकारको उपभोग गर्ने अवधारणा अनौठो रहेको बताए । उनले भारत वसुधैव कुटुम्बमको नीतिप्रति पूर्ण प्रतिबद्ध रहेको पनि उल्लेख गरे ।