काठमाडौं– नेकपा एकीकृत समाजवादीका महासचिव घनश्याम भुसालले जेन-जी आन्दोलनमा घटेका घटना कुनै नयाँ नभएको बताएका छन्। 

विशेष पत्रकार सम्मेलन गर्दै भुसालले नेताहरूको चरित्र हेर्दा पहिले नै एउटा उत्पात आउँछ भन्ने संकेत गरिसकेको बताएका छन्। उनले यी सबै घटनाक्रमले गर्दा पार्टीहरू पुनर्गठन र नेतृत्व पुनर्गठनका आवश्यकता रहेको बताएका छन्।

‘एउटा उत्पात आउँछ भन्ने पहिले नै संकेत थियो। त्यसले ठूलो भयानक अवस्था सिर्जना गर्छ भन्ने लागेको थियो । उत्पातले भयानक ठूलो सामाजिक अस्थिरता सिर्जना गर्दैछ । राजनीतिक भ्याकुम क्रिएट गर्दैछ भन्ने बारेमा केही संकेत देखेको थियो । अर्थतन्त्र जसरी केही बिचौलिया घरानाहरूको नियन्त्रणमा,’ भुसालले भने, ‘राजनीतिका बिचौलियाका घराना र र अर्थतन्त्रका बिचौलियाका घराना तिनको गठजोडले यो संकट आउँछ भन्ने कुरा थियो । अहिले यी सबै कुराहरू हुँदा पनि राजनीतिक पार्टीहरूले सुध्रिने छनक गरेका छैनन् यसले अर्को संकट सिर्जना गर्दैछ भन्ने देखिन्छ । पार्टीहरूको पुनर्गठन जरुरी छ । पार्टीहरूको सुधारको कुरा सुरु हुनुपर्छ’ ।