डोल्पा- ठूलीभेरी नगरपालिका- ३ स्थित धूपीचौरको नदीबीचमा फसेका चारजनालाई सुरक्षाकर्मी ३ घण्टाको संघर्षपछि उद्धार गर्न सफल भएका छन् ।

बाढी उर्लिएको ठूलीभेरी नदीमा फसेका चारजना स्थानीयबासीलाई नेपाली सेना, सशस्त्र प्रहरी र नेपाल प्रहरीको टोलीले सकुशल उद्धार गरेको हो।

ठूलीभेरी नदीमा दाउरा सङ्कलन गर्न गएका बेला बाढी आएर पानीको बहाव बढ्दा उनीहरू नदीको बीच भागमा फसेका थिए ।

संग्राम शार्दुल गुल्मबाट खटिएको नेपाली सेनाको टोली, सशस्त्र प्रहरी र नेपाल प्रहरीको टोलीले स्थानीयबासीको सहयोगमा उनीहरूलाई सकुशल उद्धार गरी सुरक्षित स्थानमा लगेको हो।

अहिले ठूलीभेरीमा ठूलो बाढी भएको छ डोल्पा सदरमुकाम दुनैकोनजिकै भेरीले बगाएका दाउरा टिप्न जाँदा उनीहरू फसेका थिए ।

तस्बिरहरू : टेक शाही क्रिस्टल