गाजा – इजरायलका दुई मानव अधिकारवाद सङ्गठनले गाजमा नरसंहार भएको भन्दै सरकारको आलोचना गरेका छन्।

बिटी सेलम नामको संस्थाले सोमबार जारी गरेको विज्ञप्तिमा इजरायली सरकारको आलोचना गरिएको हो। गाजाको भ्रमणपछि फर्केका संगठनले इजरायलले नरसंहार गरेकोमा आपत्ति जनाएका हुन्।

अर्को संस्था फिजिसियन फर ह्युमन राइट इजरायलले इजरायलले गाजामा गरेको गतिविधिलाई नरसंहारको संज्ञा दिएको हो।

यी संस्थाले गाजाको मानवीय र स्वास्थ्य अवस्थाको बारे जानकारी गराउँदै यो ठहर गरेको हो। इजरायली सरकार प्रवक्ता डेभिड मेन्सरले यो रिपोर्टमा आपत्ति जनाउँदै नरसंहार नभएको प्रतिक्रिया दिएका हुन्।

इजरायली विदेश मन्त्रालयले जारी गरेको विज्ञप्तिमा मानव अधिकार संगठनको रिपोर्ट राजनीतिक पूर्वाग्रहका कारण बाहिर आएको दाबी गरिएको छ।

इजरायलले हमासलाई लक्षित गरेको तथा सर्वसाधारणलाई लक्ष्य नबनाएको दाबी पनि गरेको छ। इजरायलले ७ अक्टोबरमा हमासले आक्रमण गरेपछि आत्मरक्षाका लागि सो आक्रमण जारी राखेको बताएको छ।