काठमाडौं – एएफसी एसियन कप छनोटअन्तर्गत लाओसविरुद्धको खेलमा नेपालकी कप्तान सावित्रा भण्डारी ‘साम्बा’ एक्लैले चार गाेल गरेकी छन् ।

उज्वेकिस्तानको पख्तखोर स्टेडियममा जारी खेलमा साम्बाले चार गाेल गर्दै नेपाललाई ७–० को अग्रता दिलाएकी हुन् ।

यसअघि नेपालका लागि अनिता बस्नेत, रश्मि कुमारी घिसिङ र सरु लिम्बूले एक एक गोल गरेका थिए । पहिलो हाफमा २–० को अग्रता बनाएको नेपालले दोस्रो हाफमा लगातार चार गोल गरेको हो ।

खेलको ११ औँ मिनेटमा अनिताको गोलमार्फत नेपालले सुरुवाती अग्रता लिएको थियो । आजको खेलमार्फत नेपाली महिला टोलीले १०० औं अन्तराष्ट्रिय खेल पूरा गरेको छ ।

साथै आजको खेलमा नै सावित्राले पहिले पटक नेपाली टिमको कप्तानी सम्हालेकी छिन् । उनी नेपालको फुटबल इतिहासकी ११ औँ कप्तान बनिन् ।