काठमाडौं – इङ्गल्यान्डले यु-२१ युरोपेली च्याम्पियनसिपको उपाधि जितेको छ । शनिबारको फाइनलमा जर्मनीमाथि ३–२ को नाटकीय जित हात पारेको हो ।
खेल सुरु भएको पाँच मिनेटमै हार्भे इलियटले प्रतियोगितामा व्यक्तिगत पाँचौँ गोल गरेपछि इङ्गल्यान्डले अग्रता लिएको थियो । २४ औँ मिनेटमा हुटचिन्सनले इङ्गल्यान्डका लागि अर्को गोल गरे ।
उपाधि भिडन्तमा जर्मनीको कमब्याकले खेल रोमाञ्चक बनेको थियो । नेल्सन विफरले पहिलो हाफमा गरेको गोलसहित खेलमा फर्किएको जर्मनीका लागि पाउल नेबेलले बराबरी गोल गरे।
अन्तिम समयमा नेबेलको एउटा प्रहार बारमा लागेको थियो । अतिरिक्त समयको दोस्रो मिनेटमा जोनाथन रोले इङ्गल्यान्डका लागि विजयी गोल गरे ।
प्रतिक्रिया