काठमाडौं– सरकारले आगामी आर्थिक वर्षको लागि ल्याएको बजेटमा दोस्रो शेयर बजारमा कारोबार गर्नेहरू उत्साहित देखिएका छन् । शेयर विश्लेषक छोटेलाल रौनियारले खबरहबसँग कुराकानी गर्दै बजेटको खुलेर स्वागत गरेका छन् ।

उनले दोस्रो बजारमा गैरआवासीय नेपालीलाई भित्र्याउने विषयको प्रक्रियामा लाग्नुपर्ने बताए । ‘एनआरएन नभित्राउने कहिले नभनेको हो र ? तर त्यसको लागि प्रक्रिया पूरा गर्नुपर्छ’, उनले भने, ‘उनीहरूले पुँजी लगानी गरेपछि नाफा लैजान पाउनु पर्छ, उनीहरूले नाफा लैजाँदा विदेशी मुद्रामा लैजाने हो, जुन राष्ट्र बैंकले गर्न दिँदैन ।’

त्यो विषयलाई मन्त्रिपरिषद्बाट पास गरेर कानून बनाएर केन्द्रीय बैंकलाई निर्देशन दिएपछि हुने रौनियारले बताए । साथै उनले सेयर बजारमा एनआरएनए भित्र्याउने कुरा रामो भएको भन्दै अर्थमन्त्रीले बजेटमा पुँजीगत लाभकरको विषयमा बोलेको भए थप राम्रो हुने प्रतिक्रिया दिए । बजेटले पुँजी बजारलाई बिगार्ने काम नगरेको पनि उनको भनाइ छ ।