काठमाडौं– सरकारले कान्ति बाल अस्पताललाई बाल स्वास्थ्य सेवाको उत्कृष्ट केन्द्रका रूपमा विकास गर्ने भएको छ । आगामी आर्थिक वर्ष २०८२-८३ को बजेट संसद्मा प्रस्तुत गर्दै अर्थमन्त्री विष्णु पौडेलले उक्त कुरा बताएका हुन् । 

साथै पाठेघर तथा स्तन क्यान्सर र पाठेघर खस्ने रोगको निःशुल्क परीक्षण गर्ने कार्यक्रमलाई निरन्तरता दिइनेछ । बालिका लक्षित एचपीभी खोप तथा १४ वर्ष मुनिका बालबालिकाको निःशुल्क क्यान्सर उपचार गर्न बजेट विनियोजन गरिएको छ । 

गर्भवती सुत्केरी तथा नवजात शिशुको जीवन रक्षाका लागि आमा सुरक्षा कार्यक्रम सुनौला हजार दिन र विपन्न नागरिकका लागि सामाजिक सुरक्षा कार्यक्रम सञ्चालन गर्न १३ अर्ब ८२ करोड रुपैयाँ विनियोजन गरिएको मन्त्री पौडेलले जनाकारी दिएका छन् ।