काठमाडौं – पोखराका साहित्यकार तीर्थ गुरुङको नयाँ उपन्यास ‘हिँउको गीत’को काठमाडौंमा विमोचन भएको छ । नेपाल प्रज्ञा प्रतिष्ठानको प्रेक्षालयमा शनिबार उक्त कृति विमोचन गरिएको हो ।

विमोचनमा लेखक सुविन भट्टराई, बिना थिङ र समाजशास्त्री डा। गणेश गुरुङले मन्तव्य राखेका थिए । कार्यक्रममा बोल्दै सुविनले गुरुङको औपन्यासिक पुस्तकमाथि फिल्म बनाए अद्भूत हुने बताए ।

बिना थिङ तामाङले उक्त पुस्तक सबाल्र्टन लिटरेचर रहेको बताइन् । गणेश गुरुङले कृतिलाई गुरुङ इतिहासको यथार्थ चित्रणका रुपमा व्याख्या गरे ।

कार्यक्रम लेखक गुरुङ सुशान्तले चलाएका थिए भने लेखक परिचय अर्का लेखक भूपिनले दिएका थिए । कार्यक्रममा वरिष्ठ पत्रकार युवराज घिमिरे, लेखकहरू कुमार नगरकोटी, नारायण ढकाल, पत्रकार एवं लेखक यज्ञश तथा वरिष्ठ रंगकर्मी अनुप बराल लगायत सहभागी रहे ।

गुरुङको कृति सांग्रिला बुक्सले बजारमा ल्याएको हो । ४२७ पृष्ठको उपन्यासको हार्डकभर मूल्य १ हजार ९५ रुपैयाँ छ ।