काठमाडौं– राष्ट्रिय प्रजातन्त्र पार्टी (राप्रपा)ले पछिल्लो विकसित घटना क्रमबारे छलफल गर्न केन्द्रीय कार्यसम्पादन समितिको बैठक बोलाएको छ । 

राजसंस्था पुनर्स्थापनाका लागि गठित संयुक्त जनआन्दोलन समितिको आह्वानमा भएको आन्दोलनपछिको घटना क्रमबारे छलफल गर्न राप्रपाले बैठक बोलाएको हो । 

राप्रपाका प्रवक्ता मोहन श्रेष्ठले शनिबार ३ बजे केन्द्रीय कार्यालयमा कार्यसम्पादन समितिको बैठक बोलाइएको जानकारी दिए । ‘विकसित घटनाक्रमका बारेमा समीक्षा गर्न र पार्टीको धारणा तय गर्न ३ बजे केन्द्रीय कार्यालयमा बैठक बस्दैछ,’ उनले खबरहबसँग भने । 

संयुक्त जनआन्दोलन समितिको आह्वानमा शुक्रबार भएको आन्दोलनमा सहभागी राप्रपाका वरिष्ठ उपाध्यक्ष रवीन्द्र मिश्र र महामन्त्री धव शमशेर राणालाई प्रहरीले शुक्रबार बेलुका नै पक्राउ गरिसकेको छ ।