काठमाडौं– नेपाल प्रहरीले विवादास्पद धर्मगुरु पुस्कर खतिवडालाई पक्राउ गरेको छ ।
राजसंस्था पुनर्स्थापनाका लागि गठित संयुक्त जनआन्दोलन समितिको आह्वानमा शुक्रबार भएको आन्दोलनमा सहभागी खतिवडालाई शनिबार पक्राउ गरिएको हो ।
उनलाई ललितपुरको इमाडोलबाट पक्राउ गरिएको प्रहरीले जानकारी दिएको छ । खतिवडालाई संयुक्त जनआन्दोलन समिति ‘जनकमान्डर’समेत रहेका विवादास्पद मेडिकल व्यवसायी दुर्गा प्रसाईंले गुरु मान्दै आएका छन् ।
तीनकुने क्षेत्रमा शुक्रबार भएको हिंसात्मक आन्दोलनमा खतिवडा सुरक्षाकर्मीमाथि ढुंगा हान्दै गरेको अवस्थामा देखिएका थिए । प्रसाईंलाई पनि प्रहरीले खोजी रहेको छ ।
प्रतिक्रिया