काठमाडौं – राष्ट्रिय स्वतन्त्र पार्टीका सभापति रवि लामिछाने र काठमाडौं महानगरपालिकाका मेयर बालेन्द्र शाह फेरि एकपटक उज्यालो नेपाल पार्टीका संरक्षक कुलमान घिसिङसँग सहकार्यको बाटो खोज्दै संवादमा बसेका छन्।

रास्वपाका एक नेताका अनुसार आइतबार राति काठमाडौं महानगरपालिकाको एक कोठामा उनीहरुबीच पार्टी एकताबारे निर्णायक छलफल भइरहेको बताइएको छ ।

शनिबार राति करिब सात घण्टासम्म चलेको वार्तापछि बालेन र रविबीच सहकार्य गर्ने सहमति भएको थियो । जसमा निर्वाचनपछि सरकार सञ्चालनको भूमिका बालेनले लिने र रविले पार्टीको नेतृत्व गर्ने सहमति भएको थियो । त्यही छलफलमा नै कुलमानलाई पनि समेट्ने प्रयास गरिएपनि कुलमानले फोन नउठाउँदा सम्भव भएको थिएन ।

कुलमानले आइतबार मात्रै पोखरामा भएको एक कार्यक्रममा सहकार्य गर्न आफूहरु तयार रहेको बताएका थिए ।