काठमाडौं– साबिक विजेता हेल्प नेपाल नवौँ एनभीए महिला तथा पुरुष क्लब भलिबल च्याम्पियनसिपमा लगातार दोस्रो जित निकाल्दै क्वाटरफाइनलमा प्रवेश गरेको छ ।
आइतबार त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भएको पुरुषतर्फको खेलमा मणिमुकुन्द भलिबल क्लबलाई ३–० को सोझो सेटमा पराजित गर्दै हेल्प नेपाल क्वाटरफाइनलमा प्रवेश गरेको हो ।
खेलमा हेल्प नेपाल २५–१६, २५–१९,२५–२२ ले विजयी भएको हो ।
त्यस्तै आइतबार नै भएको पुरुषतर्फको दोस्रो खेलमा खिल्जी युवा क्लबलाई ३–० को सोझो सेटमा पराजित गर्दै पुलिस क्लब पनि क्वार्टरफाइनलमा प्रवेश गरेको छ ।
लगातार दोस्रो जित निकाल्ने क्रममा पुुलिसले खिल्जीलाई २५–२१, २५–१६, २५–१६ ले पराजित गरेको हो ।
प्रतिक्रिया