जेरुसलेम- अमेरिकी विदेशमन्त्री मार्को रुबियोले चीनसँग गरिने सम्झौताका लागि ताइवानको साथ छाड्न नसकिने बताएका छन् । मध्यपूर्वको भ्रमणमा रहेका बेला विदेशमन्त्री रुबियोले यस्तो बताएका हुन् ।

अहिले एशिया भ्रमणमा रहेका अमेरिकी राष्ट्रपति डोनाल्ड ट्रम्पले चिनियाँ समकक्षी सी जिन्पिङसँग भेटवार्ता गरी व्यापारिक सम्झौता गर्ने अपेक्षा गरिएको छ ।

‘ताइवानले चिन्ता लिनुपर्ने धेरै कुरा छन् र त्यो जायज पनि छ, किनभने उनीहरुको अवस्था नै त्यस्तै छ ।’ विदेशमन्त्री रुबियोलाई उद्धृत गर्दै समाचार संस्था एएफपीले जनाएको छ ।

लामो समयदेखि अमेरिकाले बेइजिङमा रहेको कम्युनिष्ट पार्टीको सरकारलाई आधिकारिक मान्यता दिँदै आएको छ ।

यद्यपि अमेरिकाले लोकतान्त्रिक पद्धती रहेको ताइवानको सुरक्षाका लागि सैन्य उपकरण तथा अन्य सहयोग प्रदान गर्दै आएको छ ।