काठमाडौं – फिल्म ‘परान’का निर्देशक दीपक आचार्य ‘काकु’, नायिका केकी अधिकारी र अञ्जना बराइलीको नियोजित झगडाको स्ट्याट्सले खैलाबैला मच्चिएको छ ।

निर्देशक र नायिकाहरुबीचको मनमुटाव भएको आशयको स्ट्याट्ले खैलाबैला भएको हो ।

सुरुमा दीपक आचार्यले स्ट्याट्स लेखे, ‘अञ्जना र केकीसँग आजको मितिबाट कहिल्यै काम गर्ने छैन ।’

लगत्तै अञ्जनाले दीपकलाई जवाफ फर्काइन् । उनले दीपकलाई मेन्सन गर्दै लेखिन्, ‘दीपक आचार्यसँग कसैले काम नगर्दा हुन्छ ।’

त्यसको केही मिनेटमै केकीले पनि स्ट्याट्स राखिन्, ‘दीपक आर्चायसँग जिन्दगीमा काम नगर्नुस् है ।’

यी तीन सोमबार ५ बजेपछि १० मिनेटको अन्तरालमा स्ट्याट्स राखेका थिए ।

यी स्ट्याट्स निर्देशक र नायिकाबीच राम्रै खटपट भएको सन्देश दिने किसिमका थिए ।

केहीले प्रदर्शन मिति नजिकिँदा पनि ‘परान’का प्रचार सामाग्रीले हाइप बढाउन नसकेपछि टिमले फन्डा रचेको प्रतिक्रियासमेत दिएका थिए । केहीले उनीहरुको स्ट्याट्सलाई पत्याएर ‘के भयो ?’ भनेर जिज्ञासा राखेका थिए ।

आधा घण्टा नबित्दै दीपकले यी स्ट्याट्सबारे स्पष्टीकरण दिएका छन् । एक अन्तर्वार्ता कार्यक्रमको ‘ट्रुथ अर डेयर’ कार्यक्रमले यो अवस्था सिर्जना भएको बताएका छन् । कार्यक्रम प्रस्तोताले उक्त स्ट्याट्स राख्न ‘डेयर’ दिएका आफूहरुले उक्ट पोस्ट गरेका छन् ।

यो कार्यक्रम प्रस्तोताको योजना हो कि दीपक आफ्नै हो ? कतै दीपक आफैँले फिल्मको हाइप बढाउन योजना त रचेका होइनन् ? शंका गर्ने स्थान उत्तिकै छ ।

यही फिल्मबाट दीपकले फिचर फिल्म निर्देशन डेब्यू गर्दैछन् । यसको शीर्ष भूमिकामा नीर शाह छन् । केकी, अञ्जना, नायकहरु प्रवीण खतिवडा र महेश त्रिपाठी सहायक भूमिकामा रहेका छन् ।