काठमाडौं– जेन–जी युनाइटेडका युवाहरूले प्रधानमन्त्री सुशीला कार्कीसँग छलफल गरेका छन् । 

विभिन्न समूहमा रहेका जेन–जी युवाहरूलाई एकै ठाउँ ल्याउने वातावरण बनाउन माग गर्दै उनीहरूले मंगलबार प्रधानमन्त्री कार्कीसँग छलफल गरेका हुन् ।

जेन–जी युवा विभिन्न समूहमा रहँदा एकता बलियो हुन नसकेकाले सबैलाई एकताबद्ध गर्ने गरी पहलकदमी लिन आफूहरूले प्रधानमन्त्री समक्ष आग्रह गरेको जेन–जी युनाइटेडका सदस्य सदिक्षा राईले जानकारी दिइन् । समान एजेन्डा बोकेका युवाहरू एकै ठाउँ आउनुपर्ने उनले बताइन् ।

उनले प्रधानमन्त्रीबाट सकारात्मक जवाफ आएको उल्लेख गरिन् ।

जेन–जी युवाहरू एकताबद्ध हुनुपर्ने भन्दै पछिल्लो समय जेन–जी युनाइटेडका युवाहरूले विभिन्न कार्यक्रम समेत गर्दै आएका छन् ।