काठमाडौं- पाकिस्तानमा ईशनिन्दाको आरोप खेपेर निर्दोष साबित भएका इसाई धर्मगुरुको ज्यान गएको छ । पछि निर्दोष साबित भएका ती इसाई धर्मगुरुले १३ वर्ष जेल जीवन बिताएका थिए ।

यद्यपि रिहा भएको केबल दुई दिनअघि उनले ज्यान गुमाएको अधिकारवादी संस्थाहरुले जनाएका छन् । ६२ वर्षका पास्टर जफार भट्टीले पञ्जाब प्रान्तका रावलपिण्डी शहरमा जिजस वल्र्ड मिसन चर्च स्थापना गरेका थिए । गत अक्टोबर ५ मा हृदयघातका कारण उनको निधन भएको ब्रिटिश एशियन क्रिस्चियन एशोसिएशनले जनाएको छ ।

ईशनिन्दाको आरोपमा जेल जीवन बिताइरहेका उनलाई लाहोर उच्च अदालतले गत अक्टोबर २ मा निर्दोष साबित गरेको थियो । उनलाई गत २०१२ मा एक जना इस्लामिक धर्मगुरुलाई पैगम्बर मोहम्मदबारे आपत्तिजनक म्यासेज पठाएको आरोपमा पक्राउ गरिएको थियो ।

पाकिस्तानको ईशनिन्दा कानुनलाई विश्वमै कठोर मानिन्छ । हरेक वर्ष ईशनिन्दाको आरोपमा पाकिस्तानमा सयौँ पक्राउ पर्दै आएका छन् ।