काठमाडौं– नेकपा एमालेको सचिवालय बैठक अहिले बस्दैछ । बैठक दिउँसो १ बजे पार्टी अध्यक्ष केपी शर्मा ओलीको निवास भक्तपुर गुन्डुमा बसिरहेको छ ।

बैठकमा जेन-जी आन्दोलन र त्यसपछि विकसित राजनीतिक घटनाक्रमका विषयमा छलफल हुँदैछ । बैठकले पार्टीको आगामी रणनीति तय गर्नेछ । त्यसैगरी अध्यक्ष केपी शर्मा ओलीको भविष्य पनि यो बैठकले तय गर्नेछ ।

जेन-जी आन्दोलनका क्रममा सत्ताच्युत भएपछि ओलीले शनिबार पहिलो पटक सार्वजनिक कार्यक्रमलाई सम्बोधन गर्दै सुशीला कार्की नेतृत्वको सरकार संवैधानिक बाटोबाट नभइ तोडफोड, आगजनी र हाहुबाट आएको उल्लेख गरेका थिए ।

एमालेको भ्रातृ सङ्गठन राष्ट्रिय युवा संघले शनिबार भक्तपुरको गुण्डुमा बडादशैँको अवसरमा भेटघाट कार्यक्रम गरेको थियो ।

तस्बिरहरू : नेपाल फोटो लाइब्रेरी