सुनसरी– सुनसरीको सदरमुकास्थित इनरुवा नगरपालिका वडा नम्बर ६ का वडाध्यक्ष सुमन थापाविरुद्ध पक्राउ पुर्जी जारी भएको छ ।

थापाविरुद्ध शरीर अंगभंगको फौजदारी अभियोगमा मुद्दा दर्ता भएपछि जिल्ला अदालत सुनसरीले प्रहरीलाई पुर्जीको अनुमति दिएको हो।

२०८१ फागुन २२ गते साँझ चतराबाट कान्छीचोकतर्फ आउँदै गर्दा थापाले चलाएको बा २१ च ६८८८ नम्बरको कारले प्र.१–०२–०४४प ७४२८ नम्बरको मोटरसाइकललाई ठक्कर दिँदा पछाडि बसेकी देविका खनाल गम्भीर घाइते भएकी थिइन।

लामो उपचार गरे पनि उनी अहिले अशक्त छिन। यो प्रकरणमा पीडित पक्षले उच्च अदालत विराटनगर पुगेको थियो । उच्चले भदौ ३ गते जिल्ला सरकारी वकिल कार्यालयलाई कारणसहित जवाफ दिन आदेश दियो । त्यसपछि थापाविरुद्ध प्रहरीले मुद्दा अघि बढाएको हो।

गत साउन १६ गते मुद्दा दर्ता भएर साउन २० गते थापाविरुद्ध पक्राउ पुर्जी जारी भएको सुनसरीका प्रहरी प्रमुख एसपी सुमनकुमार तिम्सिनाले बताए।

उनले वडाअध्यक्ष थापा अहिले फरार रहेको बताए । थापालाई पक्राउ गर्न प्रहरी परिचालन गरिएको उनले जानकारी दिए

शरीर अंगभंगको मुद्दा फौजदारी भएकोला सार्वजनिक पद धारण गरेको व्यक्ति स्वतः निलम्बन हुने बताए। भदौ ८ गतेसम्म कार्यालय कामकाज गरेका थापा भदौ ९ देखि वडासदस्य कृष्णकुमार श्रेष्ठलाई कार्यवाहक दिएर फरार भएका हुन् ।