काठमाडौं– तेजबहादुर चित्रकार अहिले ८७ वर्षका भए । उनले विगत ५४ वर्षदेखि हलचोक आकाश भैरवको ख्वापा (मुकुट) रंग्याउने परम्परालाई निरन्तरता दिँदै आएका छन् ।
यो काम उनको परिवारले पुस्तौंदेखि गर्दै आएको हो । उनले थाहा पाएसम्म हलचोकबाट इन्द्र जात्रामा आउने आकाश भैरव, चण्डी कुमार र चण्डी कुमारीको मुकुट सिँगार्न थालेको ५ पुस्ता भइसकेको छ ।
अहिले पनि कुशे औंसीको भोलिपल्टदेखि ११ दिनपछि आउने एकादशीको दिनसम्म उनको पूरा दिन त्यही मुकुट सिँगार्दै बित्ने गर्छ । इन्द्रजात्रामा हलचोक आकाश भैरवको नाचलाई प्रमुख नाचमध्ये एक मानिन्छ ।
तस्बिरहरू : नेपाल फोटो लाइब्रेरी
प्रतिक्रिया