काठमाडौं– शेयर बजारको उछाल एक दिन पनि टिक्न सकेन । बुधबार हाफ सेन्चुरी बढेको शेयर बजार बिहीबार फेरी घटेर बन्द भएको छ । 

बिहीबार बजार बन्द हुँदा नेपाल स्टक एक्सचेन्ज (नेप्से) ३८.१० घटेर बन्द भएको छ । नेप्से १.३५ प्रतिशतले घट्दा परिसूचक २७८१ विन्दुमा पुगेको छ । नेप्से घट्दा पनि कारोबार रकम भने बढेको छ । 

बिहीबार ८ अर्ब ९ करोड ५६ लाख १० हजार रुपैयाँ बराबरको १ करोड ७८ लाख ९१ हजार ९१७ कित्ता शेयर कारोबार भएको छ । 

बजार बन्द हुँदा २४ वटा कम्पनीको शेयर मूल्य बढेको छ भने २२७ वटा कम्पनीको शेयर मूल्य घटेको छ । कुनैपनि कम्पनीको मूल्य भने स्थिर रहेको छैन । 

३२२ वटा कम्पनी कारोबारमा आउँदा ७८ हजार ३७९ पटक शेयर किनबेच भएको छ । म्युचुअल फण्ड बाहेक सबै समूह राताम्य भएको छ । सबैभन्दा बढी विकास बैंक समूह २.४३ प्रतिशतले घटेको छ ।