काठमाडौं – निर्देशक अनिष बज्मीले आफ्नो सुपरहिट फिल्म ‘नो एन्ट्री’ को सिक्वेलबारे नयाँ खुलासा गरेका छन्। 

सन् २००५ मा प्रदर्शन भएको फिल्मले बक्स अफिसमा शानदार सफलता हासिल गर्दै दर्शकको मन जितेको थियो। तर, सिक्वेलमा सलमान खान, अनिल कपूर, फरदीन खान, लारा दत्ता लगायत मुख्य कलाकार नहुँदा निर्देशक बज्मीलाई ठूलो पीडा भएको उनले बताएका छन्।

भारतीय मिडियासँगको एक अन्तर्वार्तामा बज्मीले ‘नो एन्ट्री’ को सिक्वेलबारे यस्तो खुलासा गरेका हुन्। उनले फरदीन खानलाई समेत सिक्वेलमा ल्याउन चाहेका थिए।

 यसका लागि उनले फरदीनलाई फोनसमेत गरेका थिए, जसमा फरदीनले तीनदेखि चार महिनाको समय दिन अनुरोध गरेका थिए र पछि आफ्नो शारीरिक बनावट देखाउने फोटो पठाएका थिए। उक्त फोटोले बज्मीलाई निकै प्रभावित पारेको थियो।

 तर, उनी भन्छन्, जब फिल्म बन्ने समय आउँछ, भाग्यले नै ठूलो भूमिका खेल्छ। उनले थपे कि चर्चित कलाकार अनिल, सलमान, फरदीन, लारा र अरू कलाकारहरू सिक्वेलमा नभएको पीडा त सँधै रहनेछ, तर अहिलेको परिस्थिति अनुरूप जे सम्भव छ, त्यसलाई उत्कृष्ट बनाउन आफूहरूले प्रयास गरिरहेको बताए।

यसैबीच, सिक्वेल ‘नो एन्ट्री’ २ मा कलाकार वरुण धवन, अर्जुन कपूर र दिलजीत दोसाञ्झलाई कास्ट गरिएको छ । विशेषगरी फिल्म ‘ुसरदार जी ३’ कि नायिका हानिया आमिर विवादपछि उनको नामबारे अनिश्चितता बढेको हो। 

‘नो एन्ट्री’ सिक्वेलमा नयाँ पुस्ताका कलाकारहरूको आगमनसँगै दर्शकहरुमा उत्सुकता बढेको छ।