दोलखा- वैतेश्वर गाउँपालिका-६ नाम्दुका मानबहादुर तामाङ पछिल्लो ४ वर्ष देखि व्यवसायीक ड्रागन फ्रुट खेतीमा रमाइरहेका छन् ।
गतवर्ष करिब १० लाख बराबरको ड्रागन बिक्री गरेका तामाङले यसवर्ष पनि पहिलो सिजनमै ५ लाख ६२ हजारको फल बिक्री गरिसकेको बताए । भिरालो पाखो जमिनमा ४ वर्ष अघि देखि सुरु गरेको ड्रागन फ्रुट अहिले आम्दानीको गतिलो स्रोत बनेको तामाङ सुनाउँछन् ।
उनको फार्मबाट उत्पादन भएको ड्रागन फ्रुटको माग स्थानीय बजारमा मात्र होइन,राजधानी काठमाडौंसम्म पुग्न थालेको छ।यस वर्ष असार मध्यम देखि उत्पादन सुरु भएको फल बिक्री गरिसकेको र दोस्रो लटको लागि अहिले फुल फुलेको तामाङले बताए ।
तस्बिर: सुवाश बस्नेत/दोलखा
प्रतिक्रिया