एजेन्सी – एलोन मस्कले गत हप्ता हाउसमा रिपब्लिकनहरूले पारित गरेको र राष्ट्रपति ट्रम्पको भारी समर्थन रहेको घरेलु नीति विधेयकको मूल्य ट्यागबाट आफू ‘निराश’ भएको बताएका छन् ।

हालै सरकारी विभागको दक्षता (डोग) चलाउनबाट पछि हटेका अर्बपति मस्कले सीबीएस सन्डे मर्निङसँगको एक विशेष प्रसारण अन्तर्वार्तामा उक्त टिप्पणी गरेका हुन् ।

‘बिग ब्युटिफुल बिल देखेर म निराश भएँ, स्पष्ट रूपमा भन्नुपर्दा, जसले बजेट घाटा बढाउँछ, घटाउँदैन, र डोग टोलीले गरिरहेको कामलाई कमजोर बनाउँछ,’ मस्कले भने ।

मस्कको टिप्पणीले उनलाई बिलको पक्षमा रहेका ट्रम्पसँग मतभेद बढेकाे देखिन्छ । यो कानून (जुन अझै पनि सिनेटबाट पारित हुन बाँकी छ) ले ट्रम्पको परिवर्तनका प्रमुख तत्वहरूमा निगम र व्यक्तिहरूको लागि कर दर घटाउने, मानक कटौती र पारिवारिक कर क्रेडिट बढाउने, व्यक्तिगत छुटहरू हटाउने र कटौतीहरूलाई वस्तुबद्ध गर्न कम लाभदायक बनाउने, राज्य र स्थानीय आयकर र सम्पत्ति करहरूको लागि कटौती सीमित गर्ने, (सिग्नेचर २०१७ कर कटौती) लाई विस्तार गर्नेछ । सीमा सुरक्षा खर्च बढाउनेछ । मेडिकेडमा कामको आवश्यकताहरू लागू गर्नेछ र स्वच्छ ऊर्जा कर क्रेडिटहरू फिर्ता गर्नेछ।

कंग्रेसनल बजेट अफिसका अनुसार, प्याकेजको कर प्रावधान, जसलाई ट्रम्पले विधेयकको नामबाट ‘वन बिग ब्युटिफुल एक्ट’ शीर्षक दिइएको छ । यसले सन् २०३४ सम्ममा घाटा ३.८ ट्रिलियन डलरले बढाउनेछ ।

‘मलाई लाग्छ कि बिल ठूलो वा सुन्दर हुन सक्छ, मस्कले सीबीएस न्यूजसँगको कुराकानीमा भने, ‘तर मलाई थाहा छैन कि यो दुवै हुन सक्छ कि सक्दैन। मेरो व्यक्तिगत विचार।’

ट्रम्प प्रशासनको सुरुवाती महिनाहरूमा मस्क लगभग निरन्तर उपस्थित थिए । उनका डोग कर्मचारीहरूले सरकारी एजेन्सीमा व्यापक कटौती गर्न लगभग हरेक सरकारी निकायमा काम गरे । डेमोक्र्याटहरू र केही ट्रम्प सहयोगीहरूले पनि चिन्ता व्यक्त गरे । साथै कयाैं कानुनी चुनौतीहरू पनि निम्त्याए ।

टेस्ला, स्पेसएक्स र सामाजिक सञ्जाल प्लेटफर्म एक्सका सीईओ रहेका मस्कले सरकारमा आफ्नो संलग्नता फिर्ता लिने बताएका छन् ।