काठमाडौं- प्रमुख सत्तारुढ दल नेकपा एमालेका मुख्य सचेतक महेश बर्तौलाले संसदमा प्रतिपक्षीले असंसदीय र गैरराजनीतिक व्यवहार देखाएको आरोप लगाएका छन् ।

बुधबार संसद् भवन परिसर नयाँ बानेश्वरमा सञ्चारकर्मीहरूसँग कुरा गर्दै बर्तौलाले भिजिट भिसा प्रकरणमा गृहमन्त्रीलाई सदनमा बोल्न नदिएर प्रतिपक्षीले असंसदीय र गैरराजनीतिक व्यवहार देखाएको बताएका हुन् ।

उनले आफूमाथि लागेको आरोपका सन्दर्भमा गृहमन्त्रीले सदनमा आफ्नो धारणा राख्न पाउनुपर्ने जिकिर पनि गरेका छन् ।

बर्तौलाले सरकारलाई रोस्टर्ममा पुग्नका लागि नाकाबन्दी लगाउने प्रतिपक्षीको कार्यशैली दु:खद रहेको भन्दै त्यो स्वीकार्य नहुने पनि बताए ।

उनले सत्तापक्षका सांसदहरूलाई समेत जनसरोकारका मुद्दामा बोल्न नदिनु उचित नभएको भनाइ राखेका छन् ।