काठमाडौं – भारतको जम्मू कश्मीरस्थित पहलगाममा वैशाख ९ गते भएको आक्रमणको विरोधमा काठमाडौंमा प्रदर्शन गरिएको छ । उक्त आक्रमण नेपाली युवा सुदीप न्यौपानेसहित २६ जनाको ज्यान गएको थियो ।

सोमबार दिउँसो काठमाडौंमा रहेको पाकिस्तानी दूतावास अगाडि युवाहरूले भेला भएर प्रदर्शन गरेका हुन् । प्रदर्शनकारीले ‘हिन्दू विरोधी आतंक बन्द गर’ भन्ने नारा लगाएका थिए ।

आक्रमणमा मारिएको नेपाली युवा न्यौपानको तस्बिरसहित प्रदर्शनमा उत्रिएका युवाहरुले कालो ब्यानरमा ‘पाकिस्तानका सेना प्रमुखको हिन्दू विरोधी मन्तव्य मुर्दावाद’ लेखेर प्रदर्शन गरेका थिए ।

पहलगाम हत्याको विरोधमा यसअघि शनिबार पनि काठमाडौंमा विरोध प्रदर्शन भएका थिए । नेपाल नागरिक अभियानले आयोजना गरेको प्रदर्शनमा सयौं नागरिक सहभागी भएका थिए ।

पहलगाम घटनाको नेपालको संसद्‌मा समेत विरोध भइरहेको छ । नेपालले पनि उक्त आक्रमणको घार निन्दा गरेका थियो ।