काठमाडौं– समाजवादी मोर्चाको जनसभा काठमाडौंको भृकुटीमण्डपमा सुरू भएको छ ।

काठमाडौंको भृकुटीमण्डपस्थित सडकमै मोर्चाले शक्ति प्रदर्शन गर्न लागेको हो । सरकार र राजवादी दुवैकाविरुद्ध मोर्चा सडकमा उत्रिएको हो ।

मोर्चाले यस क्रममा सात ठाउँबाट जुलुस निकालेको छ । मोर्चाले देशभरबाट दुई सयबढी गाडीमा मानिसहरूलाई काठमाडौंमा उतारेको छ ।

प्रदर्शनपछि मोर्चामा आबद्ध नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल, नेपाल समाजवादी पार्टीका अध्यक्ष महिन्द्रराय यादव र नेपाल कम्युनिष्ट पार्टीका महासचिव नेत्रविक्रम चन्दले सम्बोधन गर्ने भएका छन् ।

जसका लागि समाजवादी मोर्चाले भृकुटीमण्डपको सडक नै कब्जा गरेर मञ्च बनाएको छ । अपरान्ह १२ बजेदेखि मोर्चा आबद्ध ४ दलले ७ ठाउँबाटट जुलुस निकालेका छन् ।