काठमाडौं- नवराज सुवेदी र दुर्गा प्रसाईंसहितका राजावादीहरूलाई तीनकुनेबाट अघि बढ्न नदिन प्रहरीले नयाँबानेश्वरस्थित निजामती अस्पताल अगाडिको मूलसडकमै बार हालेको छ।

शुक्रबार एकै दिन राजावादी र नेकपा माओवादी केन्द्र नेतृत्वको समाजवादी मोर्चाले आन्दोलनका कार्यक्रम गर्ने भएपछि सम्भावित तनाव रोक्न प्रहरीले मूलसडकमै फलामे बार हालेको हो ।

प्रहरीले मीनभवनस्थित नापी विभाग र निजामती अस्पताल अगाडिको मूलसडकमै बार हालेर दायाँ बायाँँका सहायक लेनबाट मात्रै सवारीसाधन चल्न दिइरहेको छ।

राजावादीहरूले तीनकुनेमा कार्यक्रममा गर्दैछन् भने समाजवादी मोर्चाले भृकुटीमण्डपको सडकमै कार्यक्रम गर्दैछ । मोर्चाको कार्यक्रम सकिएपछि राजावादीले आफ्नो शक्ति देखाउन लागेका छन् ।