काठमाडौं – नेपाल प्रिमियर लिग (एनपीएल) सिजन २ को बिहीबारको खेलमा लुम्बिनी लायन्सले सुदूरपश्चिम रोयल्सलाई १४४ रनको लक्ष्य प्रस्तुत गरेको छ ।

लुम्बिनीबाट सबैभन्दा बढी रन जोड्ने कप्तान रोहित पौडेल हुन् । उनले ३६ बल खेल्दा ३५ रन जोडे भने ३ चौका प्रहार गरे । 

दोस्रो सर्वाधिक रनकर्ता दिलीप नाथ हुन् । उनले २९ बलमा २ चौका र एक छक्काको सहयोगमा ३१ रन जोडे । 

ओपनर डी आर्सी सर्टले १८, सुमित महर्जनले १८, गुलबदिन नैबले ११ रन जोडे । अन्यले दोहोरो रन बनाउन सकेनन् । 

बलिङतर्फ लुम्बिनीको तेस्रो विकेट लिन सुदूरपश्चिमले निकै संघर्ष गर्नुपर्‍यो । ६ ओभरको तेस्रो बलमा दोस्रो विकेट लिएको सुदूरपश्चिमले तेस्रो विकेट १४ ओभरमा पुगेर लियो । लुम्बिनीको तेस्रो विकेटका लागि ८ ओभर संघर्ष गर्नुपर्‍यो ।

१६ ओभरमा सुदूरपश्चिमका अभिनाश बोहोरोले बलिङमा कमाल देखाए । यस ओभरमा लुम्बिनीको तीन विकेट गुम्यो । १६ ओभरको दोस्रो बलमा गुलबदिन नैब आउट भए । पाँचौँ बलमा रुबेन ट्रम्पेलम्यान आउट भए । अन्तिम बलमा लुम्बिनीका दोस्रो सर्वाधिक रनकर्ता दिलीप नाथ आउट भए ।

अबिनाश र हर्मित सिंहले आजको खेलमा सर्वाधिक ३–३ विकेट लिए । हेमन्त धामीले २ र स्कट कुगेलेइजनले एक विकेट लिए । 

हर्मितले लुम्बिनीका कप्तान तथा सर्वाधिक रन बनाउने रोहित र ओपनर डीआर्सी सर्टको महत्त्वपूर्ण विकेट लिएका हुन् ।

सुदूरपश्चिम रोयल्सविरुद्धको खेलमा लुम्बिनी लायन्सले एक मात्रै छक्का प्रहार गरेको छ । दिलीप नाथले १० ओभरको ४ बलमा अभिनाश बोहोराको बलिङमा छक्का प्रहार गरेको हुन् ।

लुम्बिनीले सुदूरपश्चिमलाई १४३ रनको लक्ष्य दिएको छ ।

यस खेल जितेमा सुदूरपश्चिमले जारी सिजनमा लगातार चौथो जित निकाल्ने छ ।