काठमाडौं– कोशी प्रदेशसभा सदस्य भीम पराजुलीले यस वर्षपनि छठ पूजाका क्रममा सडकमा दण्ड प्रणाम गर्दै यात्रा गरेका छन् ।
पराजुलीले विराटनगरस्थित राधाकृष्ण शिवपंचायन मन्दिरबाट परोपकारघाटसम्म करिब साढे ३ किलोमिटर दूरी दण्डवत् गरी घिस्रिँदै यात्रा गरेका हुन् । उनले मुलुकको शान्ति विकास र संवृद्धिका लागि कामना गरेर दण्ड प्रणाम यात्रा गरेको उल्लेख गरे ।
नेपालले पुनः वैदिक सनातन हिन्दु राष्ट्रको स्वरूप प्राप्त गरोस् भन्ने भावनासहित पूजा गर्दै आएको उनले बताए ।
विगत ३५ वर्षदेखि लगातार छठ पर्वका अवसरमा दण्डवत् पूजा गर्दै आएका पराजुलीले यस वर्ष २८ औँ पटक घस्रिँदै छठ पूजा गरेका हुन् ।
प्रतिक्रिया